التصنيف: سرطان الثدي

طيب اشمعنا المرض ده اللي بنتكلم كتير فيه علي الكشف المبكر ، علشان  معدل الشفاء من سرطان الثدي ، لو اكتشف في مراحله الأولية بتصل الي  ١٠٠٪ والنسبة ديه  بتقع لحوالي    ٢٠   ٪  لو  تم اكتشافه في مرحلة متاخرة

جمعية السرطان الأمريكية توصى بإجراء فحص سنوي لجميع السيدات  بداية من سن الأربعين

خالص ، ده اغلب كتل الثدي  بتبقي حميدة

كل اللي عايزينه ، انه لما سيده فاضلة تحس بأي حاجه في الثدي ، تروح تعمل فحص  ……للآسف ناس كتير بتتأخر في العلاج علشان خائفة .  الخوف مش حيضيع الحاجه الموجودة، بس الفحص ممكن يطمنك ويقولك ان الحاجة ديه حميدة ومفيش داعي للقلق

ايه الأعراض اللي المفروض اول ما تظهر نروح نعمل فحص

1. وجود كتلة بالثدي
2. افرازات من الحلمة
3. أي تغيير في شكل الحلمة …هي طبيعي بتبقي بارزة من الجلد ، لو دخلت لجوة ، يبقي احتمال وجود ورم وراها هو السبب في دخولها
4. أي تغيير في جلد الثدي ، زي اللون.

كتير من السيدات لما بتروح للدكتور باحمرار وسخونة في الجلد ، بيشخصها علي انها التهابات في الثدي ، للآسف في نوع من أنواع سرطان الثدي ممكن ييجي بالشكل ده  . بالذات كل ما السيدة تكبر او تتقدم بالعمر، لن التهابات الثدي بتييجي اكتر مع الرضاعة  ،بنشوف حالات كتير متأخرة لان الدكتور بدل ما بيقولها روحي اعملي فحص للثدي عن طريق  السونار او الماموجرام بيقولها خدي مضاد حيوي.

لحد النها ردة ، احنا منعرفش ليه سرطان الثدي بصيب شخص معين في وقت معين وما بيصبش شخص تأنى، ولما بتقول احنا ، مبقصدش احنا او الطب هنا في مصر ، انا بأتكلم علي الطب في العالم كله، انما الناس الباحثين في الموضوع ده وجدوا ان فيه عددًا من الأشياء او العوامل التي تزيد من احتمال إصابة الأشخاص بسرطان الثدي ، وتسمى هذه العوامل عوامل الخطر. ومع ذلك هناك نساء لا يعانين من أي عوامل خطر و لا يزال بإمكانهن الإصابة بسرطان الثدي

Continue reading